رد ثناء لأهل الثناء أحد أبناء قبيلة شهران العزيزه

ما كــان به فـرحة ولا كـان به عيــد=لــولا وفا راع العــطايا الجزيلــة
الله يـبـيـض وجه أبــو ناصر سعيـد=راع الـوفا والمـرجلة والجمـيلـة
نسـل الاكـارم صـادقين المـواعيـد=كسـابة العلـم الـزكي والفضيـلة
شهران لا عديت روس الصنـاديد=أنــعـم بشــهران العريضـة قبيـلة
تفــخر بهم صفــحات الأيــام وتشـيد=ويشــهد لهـم تاريـخ عـز وفضــيله
ويـوم المـراجل في رمــاح وبــواريد=حريبــهم ينــكـف ولا له عقـيلــه
وخــويهـم يلــقى كـرامـه وتمـجيــد=لاجلـه تهـون الصـعبه المستـحيله
قلتـه وأنا ما أرجـي مصالح ولا فيــد=لاشك أنا الشـاهد وعنـدي دليـلـه
جــاري ولــد ناصــر زبــون الأوالــيد=حــزت الجــزيله مـنه قبل النفيـلـه
يــومنــها ضاقـت علي الجــراهــيــد=وأصبــح نهـاري طلتــه مثل ليلــه
ولــديــت أدور للســلامــه مــواريــد=وأنشـد عن الـعد العذي واستميله
فـزع وعمـد لي من الطيـب تعميــد=وداوا جـروح الروح بأهون وسيلـه
مـا قـال أبي منكـم مـواعيـد توكيــد=قال أعتــذر جـتك الكثيــره قليلــه
يا اللــه لعله فــدوت أهل الـهـرابيــد=اللي مــواقفـهم مواقف فشيـلـه
وقت الـرخا جـزلـيـن جـمـلـة وتـفـريد=وعزومهم وقت الشدايد هزيله
واللـه ما أنـسى فزعتـك لي وأنا عيــد=ما دام راسـي حــي حملك نشيلـه
وإن مــت وصــيت العيال الامــاجيــد=على الـوفـا لأهـل الفعـول الجليله
تمــت وشكــرا لك يا أبو ناصر سعيــد=نــت الكريم اللـي صــفاتك نبيلــه
واسلم ودم واقـبل عذر صاحبك عيـد=على البيــوت اللـي بحــقك قليلــه

المصدر: منتديات شهران - من قسم: الشعر الشعبي