اطرف موقف مر عليك....خخخخخخـ

كل هالمشاهدات بدون ولا موقف ؟؟؟؟؟

السلام عليكم

حياك الله احساس . والله زمان ع المنتدى اول موضوع قريته موضوعك جد ناااايس

المواقف كثيرررره بس راح اوقف عند ايام الطفوله ايام الابتدائي كنا نختبر قران شفوي جاء دوري وكانت قرعه السور في ورقه

وكان جنبها حلاو مصاص قالت لي الاستاذه اختاري قمت اخترت الحلاو هع هع طالعت فيني واخذتها وقالت اختاري الورق


جد جد مااااالت عليها كان اعطتني بس لما اذكر اكسر خاطري ههه وسلامتكم

هههههههههههه ولا يهمك .....اجيب لك....

خخخخخخ

يا حياااتي يا مهوووي

امممم يلعن اووم المواقف والاحراجات اللي زي كذا

بقولكم اول موقف صار لي في الكولج <<<يوم جيت اعطيهم اوراقي استكمل التسجيل

المهم مالكم بالطويله كنت متزبرقتن ومتكشختن اخر كووشخه

واذا بهم يحشروننا في الكفتيريا وانواع الحر اللي عايشينه <<خربت الاستشوار علينا هع
ماعلينا نستنى انهم ينادون كل بنت وتجي لقسمها تديهم اوراقها المهم واذا بهم ينادون

عشوقه بنت عشوق العشوقي <<<المحروسه انا هع هع

المهم واتمخطر وانا رايحه اسلمها اوراقي مستانسه مع وجهي هع قبل ان اضع قدمي ع عتبه الباب عشان اخش ع الانسه اذا بي اتزحلط زحلطتن خفيفه وابشركم اني ما طحت بس زحلطه خخخخ
واشوا ان ما حد حس علي الا وحده كانت جنبي من الامن وتقول بسم الله عليتس وانا اطالع فيها وكني اللي ماكنه صارلها شي واستحيت وانواع الاحراج اللي حسيييته

بس ربي سترها

عاد ما يستفاد اني بعدها عمري ما لبست كعب بالكولج بالفلات دايم

وسلامتكم يا الربع

عاد لحد يضحك علي اشوفكم ترا اللي يضحك علي اقوم عليه واضربه <<ما عندها وقت خخخخ

هههههههههههه احااااا كل شيء يهون الا الطيحة وانت متزبرق ....


اوكيه راح اقول بعض المواقف :

1- كان عندنا عشاء والوالد ما شاء الله مو مخلي احد يعرفه الا وعزمه ... والمجلس ملياااااااااااااااااااااااااااااااااااااااااان بكل ماتعنيه الكلمة من معنى...
المهم طلعت عشان اجيب العشاء
لمن رجعت قالوا لي الشباب ترا فيه ناس تو دخلوا

المهم دخلت وانا باقي عند الباب وادق بذيك الترحيبة ارحبووووووووووووووووووواا حسيت اني في حياتي ماراح ارحب مثلها وكله عشان الناس يسمعون وانا داخل بسرعة ..

المهم وصلت نص المجلس واناظر اشوف منو الجديد اللي راح يقوم يسلم علي لاني انا ماادري من هو واناظر الا والشعب كله يناظر فيني مستغربين ...
المهم واناظر صدر المجلس الا واشوف واحد يقرب لنا واروح له ابي اسلم عليه وياثقل دمه لمن جيت رايح له قال سعد ترا سلمت عليك .... ويلعن ام الفشيللللللة اللي صارت وابووي يناظرني عند الباب مستغرب من الموقف .ولا تعليييق للي صار بعد العشاء من كلام محترم

2- بجامعة محمد بن سعود وانا ادرس ثاني ثانوي رحت اختبر القدرات والمشكلة فيني هيااط ما ادري اش يبغى بالحياة ... اذن المغرب واحد مطوع انا قلت ببالي اكيد انه هو راح يصلي قلت خلني اصلي خلف الامام بالصف الاول ... واتسنن واجلس انتظر الاقامة والمشكلة شكلها اول مرة بحياتي اصلي ورى الامام بس عاد الحظ الاقشر ... المهم الامام اقام الصلاة ورجع للصف قلنا صل قال لا والله ما اقدر رجلي تعورني وكلنا ياللي بالصف نناظر ببعض ... انا لا شعوريا ما انتبهت الا وانا مكان الامام والسبب كله واحد نذل من اخوياي دفني باقوى ما عنده وماحسيت الا وانا قداام .... المهم فشيلة ارجع قلت توكلنا على الله .. الى الحين الوضع تمام

جيت ابي اقول استووا ومن زود الهياط اول صدمة قلت تقطبوا ....... بعدها كبرت قريت الفاتحة وابي اقرا الناس والمشكله والله نسيتها احاول اجيبها مو راضيه وما جاء ببالي غير عم يتساءلون المهم اخذت منها شوي لمن قمت الركعه الثانية وقلت ولا الضالين ... وقالوا الناس امين حسيت اني بالحرم من قوة الامين اللي سمعتها ... وهنااااااااااااااااااااااااااااااااااااااااااااااا ااااا لا تعليييييق ....
تكملة القصة عند محمد سعيد القربي الواهبي ...اعز اخوياي وسبب نكبتي بجامعة محمد بن سعود

مها من جد ياثقل دمهم مدرسين القران اول كانوا يجيبووون حلاوة ويحطونها قدامنا وحنا بزارين .............

اتحدى اذا فينا احد كان مركز على الحصة

هههههههههههه


اووم الفشيله اللي كذا طيب كان رحت عند واحد يسلك لك حتى لو انك مسلم عليه


اووما النكبه حقت الصلاه موقف لا تحسد عليه

احلى ما فيها انووو ساعتها تقوول في نفسسسك اووم الاحراج وبعدها تتكلمون عن المواقف ذي وتحسون انها ششي حلوو

لي باك مع موقف من جد لا احسد عليه خخخخ

اممم احترت و بعدها قلت يالله


طيب يا طويلين العمر والسلامه سلمكم الله حنا بالاجازات نروح الجنوب اوكيه عشان اهل ابوي وامي طيب <بتقولون وش دخل بس جايتكم بالسالفه لا تستعجلون

المهم وقدر الله ذاك اليوم ونوصل ونرتب اوضاعنا وع اساس بيجون عمامي <<معلومه احنا ما نقول لأعمامي عمي فلان نقول ابوي فلان وزي هيك
طيب

المهم جا عندنا عمي يسلم ويشوف الاوضاع طيب عاد انا من زماااان ما شفته يعني تقدرون تقولون اني نسيت شكلوو هع هع <<قويه عاد

طيب
واجي معي القهوه والشاي وع اساس اجي ارحب فيه جلست وهو يقول كيفس يا عشوقه وشخبارس وع قولتهم يثني التحيه وانا انربط لساني بعدها سادت لحظه صمت عجيبه

ومن بعدها حسيت اني مجمعه لي كم كلمه عشان اقولها اسمني ارحب واسال عنوو واجيكم اقووله

كيفيك يـــــاااااااا <<<طبعا كنت محتاره وش اقول له وهو يستنى اكمل عشان يرد علي تدرون وش كملتها

قلت له كيفك ياااا انت <<<هع هع اقسسسسم بالله قلب وجه عمي ونزل راسه وحسيت فيه ضحكه بس يخبيها وانا بعدها ما ادري وين اودي وجهي
المهم حس اني اقصده ب انت وقام رد سلمس الله خخخخخ

يلعععن اووم الاحراج اللي زيي كذا طبعا ع طول صبيت فنجال قهوه وقمت ولا رجعت مره ثانيه خخخخ


وسلامتكم يالربع